பாஜகவை கண்டித்து அதிமுக போராட்டத்தில் ஈடுபட்டதால் கோவில்பட்டியில் பரபரப்பு

அதிமுக இடைக்கால பொதுச்செயலாளர் எடப்பாடி பழனிசாமியின் உருவப்படத்தை எரித்த பாஜகவினரை கண்டித்து கோவில்பட்டியில் அதிமுகவினர் ஆர்ப்பாட்டத்தில்.

தூத்துக்குடி மாவட்டம் கோவில்பட்டி இனாம்மணியாச்சி பஸ் நிறுத்தம் அருகே பாரதிய ஜனதா கட்சி இளைஞர் அணி சார்பில் அதன் மாவட்ட தலைவர் தினேஷ்ரோடி தலைமையில் போராட்டம் நடந்தது. கூட்டணி தர்மத்தினை மீறி பாஜக நிர்வாகிகள் அதிமுகவில் இணைப்பதை கண்டித்து, முன்னாள் முதல்வர் அதிமுக இடைக்கால பொதுச்செயலாளர் எடப்பாடி பழனிச்சாமியை கண்டித்து இந்த போராட்டம் நடத்தப்பட்டது.

அப்போது எடப்பாடி பழனிச்சாமி உருவப்படத்தை எரித்து போராட்டத்தில் ஈடுபட்டதால் பரபரப்பு ஏற்பட்டது. இதையடுத்து போராட்டத்தில் ஈடுபட்ட பேரை மேற்கு காவல் நிலைய போலீசார் நான்கு பேரை கைது செய்தனர்.

இதற்கிடையில் போராட்டத்தில் ஈடுபட்ட பாஜக நிர்வாகிகளை கண்டித்தும், அவர்களை கைது செய்ய கோரியும், கோவில்பட்டி டிஎஸ்பி அலுவலக முன்பும் அதிமுக நகரச் செயலாளர் விஜயபாண்டியன் தலைமையில் அக்கட்சியினர் கண்டன ஆர்ப்பாட்டத்தில் ஈடுபட்டனர். மேலும் டிஎஸ்பி வெங்கடேசிடம் புகார் மனுவையும் அளித்தனர்.