கோவை, திருப்பூர் மாவட்ட தொழில் முனைவோர் கேட்பது என்ன?

தமிழ்நாடு அரசின் 2023ம் ஆண்டுக்கான நிதிநிலை அறிக்கை நாளை மறுநாள் (20ம் தேதி) சட்டமன்றத்தில் தாக்கல் செய்யப்பட்டுள்ளது. இதில் கோவை மற்றும் திருப்பூர் மாவட்டங்களை சேர்ந்த தொழில்துறையினர் பல ஆண்டுகளாக முன்வைத்துள்ள பல்வேறு கோரிக்கைகள் நிறைவேறுமா? என்ற எதிர்பார்ப்பில் உள்ளனர்.

இதுகுறித்து கோயம்புத்தூர், திருப்பூர் மாவட்ட குறுந்தொழில் மற்றும் ஊரக தொழில் முனைவோர் சங்கத்தின் (காட்மா) தலைவர் சிவக்குமார் அறிவித்தார், “தொழில் நகரமான கோவையில் ஒரே ஒரு சிட்கோ மட்டுமே உள்ளது. நகர பகுதிகளிலேயே 90 சதவீத தொழிற்கூடங்கள் இயங்கி வருகின்றன. இதனால் தொழிற்பேட்டைகள் அமைக்க தொடர்ந்து கோரிக்கை விடுத்து வருகிறோம். ஆனால் கோவை போன்ற பெருநகரங்களில் தொழிற்பேட்டை அமைக்க கால அவகாசம் எடுப்பதால், தொழில் முனைவோர் தங்களுக்கான தொழிற்பேட்டையை (தனியார் தொழிற்பேட்டை) தாங்களே அமைக்க முடிவு செய்துள்ளோம்.

இவ்வாறு, தனியார் தொழிற்பேட்டை அமைக்க தமிழ்நாடு சிறுதொழில் வளர்ச்சி கழகம் சார்பில் தொழிற்பேட்டையில் உட்கட்டமைப்பு வசதிகளை மேம்படுத்த ரூ.15 கோடி அல்லது மொத்த செலவில் 75 சதவீதம் மானியம் கொடுக்கப்படுகிறது. ஆனால் அத்தகைய தனியார் தொழிற்பேட்டை அமைக்க குறைந்தபட்சம் 10 ஏக்கர் நிலமும், 20 உறுப்பினர்களும் தேவை என்று வரையறுக்கப்பட்டுள்ளது.

இதையும் படிங்க : மதுரை வழியாக செல்லும் 3 ரயில்கள் பகுதி நேரமாக ரத்து – தெற்கு ரயில்வே அறிவிப்பு

சிறு, குறு தொழில் முனைவோர்களால் 10 ஏக்கர் நிலத்தை வாங்கி அதில் தொழிற்பேட்டை அமைப்பது சாத்தியமில்லை என்ற நிலையில், 10 ஏக்கர் நிலத்திற்கு பதிலாக குறைந்த பட்சம் 2 ஏக்கர் நிலம் போதுமானது என்று அறிவிக்க வேண்டும் என்று அமைச்சர்கள் மத்தியில் தொடர்ந்து கோரிக்கை வைக்கப்பட்டுள்ளது. இந்தடில் பட்ஜெட் எங்கள் கோரிக்கை நிறைவேறும் என்று எதிர்பார்த்து வருகிறோம்.

சமீபத்தில் மின் கட்டண உயர்வால் மிகுந்த பாதிப்படைந்துள்ளோம். எனவே உட்சபட்ச நேர மின் பயன்பாட்டுக்கான மின் கட்டண உயர்வையும், நிலைக்கட்டணத்தையும் திரும்பப் பெற வேண்டும் என்பது எங்கள் எதிர்பார்ப்பாக உள்ளது. 5 பேருக்கு கீழ் பணியாற்றும் தொழிற்கூடங்களுக்கு உள்ளாட்சிகள் சட்டத்திலிருந்து விலக்கு அளிக்க வேண்டும் என்றும் கோரிக்கை உள்ளது.

நகரப்பகுதிகளில் தொழிற்கூடங்கள் வருவதால் பொதுமக்கள் ஒலி மாசுபாடு தொடர்பான புகார்களை அளிக்கின்றனர். இதில் காழ்ப்புணர்ச்சியுடனும் புகார்கள் அளிக்கப்பட்டு வருகின்றன. இதனிடையே விரைவாக தொழிற்பேட்டைகள் அமைத்து நகரப்பகுதிகளில் இருந்து தொழிற்கூடங்களை வெளியில் கொண்டு செல்ல அரசு நடவடிக்கை எடுக்க வேண்டும்.

உங்கள் ஊர் செய்திகளை வீடியோவாக பெற கிளிக் செய்க

கோவைக்கு கிடைத்து வந்த ஜாப் ஆர்டர்கள் தற்போது வடமாநிலங்களை நோக்கிச் செல்கின்றனர். இதனால் உள்ளூர் தொழில் முனைவோர் பாதிக்கப்பட்டு வருகிறோம். இதனை தடுக்க உற்பத்தி செலவை குறைக்க வேண்டும். இதற்கு அரசு எங்களுக்கு துணை நிற்க வேண்டும் இவ்வாறு அவர் கோரிக்கை விடுத்தார்.