கோவிட் தொற்றால் எளிதில் பாதிக்கப்படக்கூடியவர்கள், கூடுதல் பூஸ்டர் தடுப்பூசிகளைச் செலுத்துமாறு உலக சுகாதார நிறுவனம் அறிவுறுத்தியுள்ளது.
இதுகுறித்து உலக சுகாதார நிறுவனத்தின் நோய்த்தடுப்பு நிபுணர்களின் மூலோபாய ஆலோசனைக் குழு வெளியிட்டுள்ள அறிக்கையில் கூறியிருப்பதாவது:
இரண்டு அல்லது அதற்கு மேற்பட்ட நோய்களால் பாதிக்கப்பட்டிருக்கும் பெரியவர்கள் மற்றும் இளம் வயதினர், நோயெதிர்ப்பு சக்தி குறைவாக உள்ளவர்கள், முன்னணி சுகாதாரப் பணியாளர்கள் போன்றோர் அதிக முன்னுரிமை கொண்ட குழுவினராகக் கருதப்படுகிறார்கள்.
இவர்கள் கோவிடின் கடைசி தடுப்பூசி செலுத்தி 6 அல்லது 12 மாதங்களுக்குப் பிறகு, கூடுதல் பூஸ்டர் தடுப்பூசியை எடுத்துக்கொள்ள வேண்டும். இந்த மக்கள் கோவிட் தொற்றால் பாதிக்கப்படுகையில், கடுமையான நோய்க்குள்ளாகும் அபாயத்தில் உள்ளனர்.