தென்காசி மாவட்டத்தில் 2 வாரங்களுக்கு இந்த காலநிலை தான் நிலவும்..

தென்காசி மாவட்டத்தில் அடுத்த வாரங்களில் வெயிலின் தாக்கம் அதிகமாகவே இருக்கும் வானிலை ஆய்வுகள் தெரிவித்திருக்கும் நிலையில் ஒரு சில நாட்களில் மழை பெய்யவும் வாய்ப்பு உள்ளதாக தெரிகிறது.

இந்தியாவில் ஏப்ரல் முதல் ஜூன் மாதம் வரை வெயிலின் தாக்கம் இயல்பை விட அதிகமாக இருக்கும் என்று இந்திய வானிலை ஆய்வு மையத்தின் தலைமை இயக்குனர் மிருத்யுஞ்சய் மகாபத்ரா கூறியுள்ளார். இதேபோல் மழையை பொறுத்தவரை, இந்த ஏப்ரல் மாதம் இயல்பான அளவில் மழை பெய்யும் என்று வானிலை ஆய்வு மையம் தெரிவித்துள்ளது.

தமிழ்நாட்டில் அடுத்த 5 நாட்களுக்கு வெப்பநிலை 2 – 3 டிகிரி செல்சியஸ் அதிகமாக இருக்கலாம் என சென்னை வானிலை ஆய்வு மையம் தெரிவிக்கிறது. இதனை தொடர்ந்து தென்காசி மாவட்டத்தில் கடந்த சில நாட்களாக கனமழை பெய்து வந்தாலும் தற்போது வெயிலின் தாக்கம் முன்பை விட அதிகமாகவே இருந்து வருகிறது. மேலும் அடுத்த சில நாட்களுக்கு பலத்த காற்றுடன் மழை பெய்ய வாய்ப்பு உள்ளதாக வானிலை ஆய்வு மையம் தெரிவித்துள்ளது.

இதையும் படிங்க : கரும்பு ஜூஸில் இத்தனை மூலிகைப் பொருட்களா..! திண்டுக்கல்லில் ஜோராக நடக்கும் மூலிகை கரும்பு ஜூஸ்..!

தென்காசி மாவட்டத்தில் அடுத்த வாரத்தில் 36 முதல் 38 டிகிரி செல்சியஸ் வரை வெப்பநிலை பதிவாகும் என்று வானிலை ஆய்வு மையம் தெரிவித்துள்ளது.மேலும் தென்காசி மாவட்டத்தில் உள்ள பிரதான சுற்றுலாத்தலமாக குற்றாலம் இருந்தாலும் தற்போது அருவியில் தண்ணீர் இன்றி வறண்ட நிலையில் காணப்படுகிறது.

குற்றால அனைத்து அருவிகளிலும் நீரின்றி மக்கள் நடமாட்டம் இன்றி வெறிச்சோடி காணப்படுகிறது. தென்காசி மாவட்டத்தில் இரவு நேரங்களில் குளுமையான காற்று வீசினாலும், மதிய நேரங்களில் குறிப்பாக 12 முதல் 3 மணி வரை அனல் காற்றே வீசுகிறது. மேலும் தென்காசி மாவட்டத்தில் அடுத்த வாரத்தில் மழை பெய்ய வாய்ப்பு உள்ளதாகவும் வானிலை ஆய்வு மையம் மேலும் தெரிவித்துள்ளது.

உங்கள் ஊர் செய்திகளை வீடியோவாக பெற கிளிக் செய்க

தமிழ்நாட்டின் மற்ற மாவட்டங்களில் வெயிலின் தாக்கம் அதிகமாக இருந்து வரும் வேளையில் தென்காசி மாவட்டத்தில் மழையும் வெயிலும் மாறி வருவது மக்களுக்கு மகிழ்ச்சி அளித்துள்ளது.