ஐபிஎல் கிரிக்கெட் திருவிழா இந்தியாவில் கோலாகலமாக தொடங்கி நடந்து வருகிறது. தற்போது லீக் சுற்றுப்போட்டிகள் நடந்து வருகின்றன. டெல்லியில் உள்ள அருண் ஜெட்லி ஸ்டேடியத்தில் இன்று நடைபெறும் ஆட்டத்தில் மும்பை இந்தியன்ஸ் – டெல்லி கேப்பிடல்ஸ் அணிகள் மோதுகின்றன. 16-வது ஐபிஎல் கிரிக்கெடில் இவ்விரு அணிகளுன் இன்று முதல் வெற்றியை ருசிக்கவில்லை. இன்றைய போட்டியில் முதல் வெற்றியை பெற இரு அணிகளும் கடுமையாக போராடும் என தெரிகிறது.
மும்பை அணி தனது முதல் இரு போட்டிகளில் பெங்களூரு மற்றும் சென்னை அணியிடம் அடுத்தடுத்து தோல்வியை தழுவியது. ரோஹித் ஷர்மா, இஷான் கிஷன், கேமரூன் கிரீன், சூர்ய குமார் யாதவ் யாரும் பெரிதாக ரன்களை குவிக்கவில்லை. மும்பை அணி தனது வழக்கமான அதிரடி ஆட்டத்தையே மறந்துவிட்டது போல் இருந்தது. பந்துவீச்சு மும்பை அணிக்கு பலவீனமாக உள்ளது. பேட்டிங் மற்றும் பந்துவீச்சு இரண்டிலும் மும்பை அணி ஒருங்கிணைந்த மாற்றத்தை ஏற்படுத்துவது இப்போது மிக அவசியம்.
ஸ்டார் பிளேயர்கள், பர்ஃபாமென்சர்கள் இருந்தும் அந்த அணி கடந்த இரு போட்டிகளில் தடுமாறியது. தோல்வியில் இருந்து மீண்டும் மும்பை அணி எழுச்சி பெற வேண்டும் என ரசிகர்கள் ஆவலுடன் காத்திருக்கின்றனர். அனைவரும் ஒருங்கிணைந்த ஆட்டத்தை வெளிப்படுத்தும் போது மீண்டும் மும்பை அணி வெற்றி பாதைக்கு திரும்பும்.
மேலும் படிக்க: சிஎஸ்கே-வில் ரஹானே.. தோனி என்ன லாஜிக் இது – சேவாக் விளாசல்
டெல்லி அணியின் நிலைமையும் பரிதாபமாக உள்ளது. வரிசையாக 3 போட்டிகளில் தோல்வியை தழுவியுள்ளது. கேப்டன் வார்னரை தவிர அந்த அணியில் வேறு யாரும் சொல்லிக்கொள்ளும்படி பேட்டிங் ஆடவில்லை. வார்னரின் ஆட்டமே மோசமாக இருக்கிறது என சேவாக் கடுமையாக சாடியிருந்தார். பந்துகலை சாப்பிட்டு ரன்களை எடுத்து என்ன பிரயோஜனம் உங்களால் அதிரடியாக விளையாட முடியவில்லை என்று ஐபிஎல் விளையாடாதீங்க என சேவாக் காட்டமாக கூறியிருந்தார்.
ஐபிஎல் போட்டிக்கு முன்பு ஆஹா.. ஓஹோன்னு புகழப்பட்ட பிரித்வி ஷா ரன் எடுக்கவே தடுமாறுகிறார். டெல்லி அணி முந்தைய போட்டிகளின் தோல்விகளில் இருந்து பாடம் கற்று இன்றைய போட்டியில் வெற்றி பாதைக்கு திரும்புவதில் மும்முரமாக இருக்கும். அவர்களுக்கு இருக்கும் ஒரே விஷயம் இன்றைய போட்டி அவர்களின் ஹோம் கிரவுண்டான டெல்லியில் நடப்பதுதான்.
மும்பை இந்தியன்ஸ் – டெல்லி கேப்பிட்டல்ஸ் அணிகள் இதுவரை நேருக்கு நேர் 32 ஆட்டங்களில் மோதியுள்ளன. இதில் மும்பை 17 போட்டிகளிலும் டெல்லி 15 போட்டிகளிலும் வெற்றி பெற்றுள்ளது. இவ்விரு அணிகளும் சமபலத்துடன் மோதுவதால் இன்றைய போட்டியில் விறுவிறுப்புக்கு பஞ்சம் இருக்காது.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), உண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சி, ARASU CABLE – 50, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV: