ஐபிஎல் கிரிக்கெட் தொடரில் குஜராத் அணிக்கு எதிரான ஆட்டத்தில் லக்னோ அணி வெற்றி பெற 136 ரன்கள் இலக்கு நிர்ணயிக்கப்பட்டுள்ளது. இந்த போட்டியில் டாஸ் வென்ற குஜராத் அணி பேட்டிங்கை தேர்வு செய்தது. லக்னோ அணியின் சிறப்பான பந்து வீச்சால் குஜராத் அணியின் பேட்ஸ்மேன்கள் ரன் குவிக்க முடியாமல் திணறினர். 20 ஓவர்கள் முடிவில் 6 விக்கெட்டுகளை இழந்த குஜராத் அணியால் 135 ரன்கள் மட்டுமே எடுக்க முடிந்தது. இதையடுத்து 136 ரன்கள் எடுத்தால் வெற்றி என்ற எளிதான இலக்கை நோக்கி லக்னோ சூப்பர் ஜெயன்ட்ஸ் அணியினர் விளையாடி வருகின்றனர்.
குஜராத் டைட்டன்ஸ் அணியின் தொடக்க வீரர்களாக ரிதிமன் சாஹா மற்றும் சுப்மன் கில் ஆகியோர் களத்தில் இறங்கினர். கடந்த சில போட்டிகளில் சிறப்பாக ரன் குவித்த கில் இந்த போட்டியில் ரன் ஏதும் எடுக்காமல் ஆட்டடிமழந்தார். அடுத்து வந்த ஹர்திக் பாண்டியாவுடன் இணைந்த சாஹா பொறுப்புடன் விளையாடி ரன்களை சேர்த்தார். இந்த இணை 2 ஆவது விக்கெட்டிற்கு 68 ரன்கள் பார்ட்னர்ஷிப் அமைத்தது. சாஹா 47 ரன்னில் ஆட்டமிழக்க அடுத்து வந்த அபினவ் மனோகர் 3 ரன்னிலும், விஜய் சங்கர் 10 ரன்னிலும், மில்லர் 6 ரன்னிலும் வெளியேறினர்.
விக்கெட்டுகள் ஒரு பக்கம் விழுந்தாலும் பொறுப்புடன் விளையாடிய கேப்டன் ஹர்திக் பாண்டியா 50 பந்துகளில் 66 ரன்கள் எடுத்தார். 20 ஓவர்கள் முடிவில் 6 விக்கெட்டுகளை இழந்த குஜராத் அணி 135 ரன்கள் மட்டுமே எடுத்தது. லக்னோ தரப்பில் நவீன் உல் ஹக் 4 ஓவரில் 19 ரன்களும், க்ருணல் பாண்ட்யா 16 ரன்களும், ஆவேஷ் கான் 3 ஓவரில் 21 ரன்கள் மட்டுமே கொடுத்தனர். அமித் மிஸ்ரா 2 ஓவர்கள் வீசி 9 ரன்கள் கொடுத்தார். க்ருணல் பாண்ட்யா மற்றும ஸ்டாய்னிஸ் ஆகியோர் தலா 2 விக்கெட்டுகளை கைப்பற்றினர்.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), உண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சி, ARASU CABLE – 50, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV: