“குழந்தை பெற்றுக்கொள்வதைப் பற்றி இப்போது நினைத்துக்கூடப் பார்க்கவில்லை!”- கத்ரீனா கைஃப் முடிவு | தற்போது குழந்தை பெற்றுக்கொள்ளும் திட்டம் இல்லை என கத்ரீனா கைஃப் தெரிவித்துள்ளார்

ஆலியா பட் மற்றும் பிரியங்கா சோப்ராவுடன் இணைந்து ‘ஜீ லி சரா’ (Jee Le Zaraa) என்ற படத்திலும், விஜய் சேதுபதியுடன் ‘Merry Christmas’ படத்திலும் நடித்து வருகிறார். இந்தப் படங்களில் நடித்து முடித்த பிறகுதான் குழந்தை பெற்றுக்கொள்ளப்போவதாகத் தெரிவித்துள்ளார். இரண்டு படங்களையும் முடித்துவிட்டு ஒரு குழந்தை பெற்றுக்கொண்ட பிறகு மீண்டும் நடிப்பில் கவனம் செலுத்தவும் முடிவு செய்துள்ளார்.

கத்ரீனா கைஃப், நடிகர் சல்மான் கானுடன் நடித்துள்ள ‘டைகர் 3’ படமும் விரைவில் திரைக்கு வருகிறது. முன்னதாக, கத்ரீனா கைஃப், சல்மான் கானைச் சில ஆண்டுகள் காதலித்து வந்தார். ஆனால் இக்காதலை கத்ரீனா கைஃப்தான் முறித்துக் கொண்டதாக அப்போது கூறப்பட்டது. அதுவும் சல்மான் கானுக்கு ஒரு எஸ்.எம்.எஸ். அனுப்பி பிரேக் அப் செய்து கொண்டதாக பாலிவுட்டில் செய்திகள் பரவின. அதன் பிறகு ரன்பீர் கபூரை ஐந்து ஆண்டுகள் காதலித்ததாகவும் செய்திகள் வெளியாகின. ஆனால் இந்தக் காதலும் கைகூடவில்லை. இறுதியில் நடிகர் விக்கி கௌஷலைக் காதலித்து திருமணம் செய்து கொண்டார்.