தேனி மாவட்டம் கூடலூர் ஆரம்ப சுகாதார நிலையத்தில் பணியாற்றும் செவிலியர்கள், மருத்துவர்கள் மற்றும் தன்னார்வலர்கள் இணைந்து செவிலியர்கள் தினத்தை முன்னிட்டு மருத்துவமனை வளாகத்தில் மரக்கன்று நடவு செய்து, பொதுமக்களுக்கு இனிப்புகள் வழங்கி கொண்டாடினர்.
மருத்துவ பணிகளில் அயராது உழைத்து கொண்டிருக்கும் செவிலியர்களை கவுரவப்படுத்தும் விதமாக ஒவ்வொரு ஆண்டும் மே 12 ஆம் தேதி செவிலியர் தினம் கொண்டாடப்பட்டு வருகிறது . 1974ஆம் ஆண்டு ஜனவரி மாதம் நவீன செவிலியர் பட்டப்படிப்பை உருவாக்கிய இங்கிலாந்தைச் சேர்ந்த பிளாரன்ஸ் நைட்டிங்கேல் (புளோரன்ஸ் நைட்டிங்கேல்) என்பவரின் பிறந்த நாளான மே 12ஆம் தேதி உலக செவிலியர் தினமாக கொண்டாடப்பட்டு வருகிறது.
ஒவ்வொரு ஆண்டும் செவிலியர் தினம் கொண்டாடப்பட்டு வந்தாலும், மருத்துவ பரவலுக்கு பின்பு சிறப்பாக பணியாற்றிய செவிலியர்களை கவுரவப்படுத்தும் விதமாக தற்போதைய ஆண்டுகளில் செவிலியர் தினம் மேலும் சிறப்பாக கொண்டாடப்பட்டு வருகிறது.
உங்கள் நகரத்திலிருந்து(தேனி)
கேக் வெட்டி கொண்டாடிய செவிலியர்கள்
இந்நிலையில், மே 12ம் தேதி ஆன செவிலியர் தினத்தன்று செவிலியர்களாக பணியாற்றி வரும் அனைத்து செவிலியர்களுக்கும் பொதுமக்கள் பாராட்டுகளை தெரிவித்து வருகின்றனர். அதன் தொடர்ச்சியாக தேனி மாவட்டம் கூடலூரில் உள்ள ஆரம்ப சுகாதார நிலையத்தில் பணிபுரியும் செவிலியர்களை கௌரவிக்கும் வகையில் செவிலியர்கள் பணிபுரியும் ஊழியர்களைப் பாராட்டியும் தன்னார்வலர்கள் சார்பாக செவிலியர்களுக்கான பாராட்டு விழா நடைபெற்றது.
கூடலூர் ஆரம்ப சுகாதார நிலையத்தின் தலைமை மருத்துவர் முருகன், மருத்துவர் காஞ்சனா, மருத்துவர் பூர்ணிமா ஆகியோர் முன்னிலையில் ஆரம்ப சுகாதார நிலையத்தில் பணியாற்றும் செவிலியர்களுக்கான பாராட்டு விழா தேனீக்கள் அறக்கட்டளையினர், தன்னார்வலர்கள் மற்றும் ரெட் கிராஸ் அமைப்பினர் சார்பாக கொண்டாடப்பட்டது.
உங்கள் ஊர் செய்திகளை வீடியோவாக பெற கிளிக் செய்க
செவிலியர்களின் பணியின் முக்கியத்துவம் குறித்து விளக்கி, செவிலியர்களுக்கு சால்வை அணிவித்து கௌரவிக்கும் நிகழ்ச்சி நடைபெற்றது. மேலும் மருத்துவமனை மருத்துவர்கள் மற்றும் செவிலியர்கள் இணைந்து கேக் வெட்டியும் , மரக்கன்று நட்டும், மருத்துவமனையில் உள்ள பொதுமக்களுக்கு இனிப்புகள் வழங்கி செவிலியர் தினத்தை கொண்டாடினர்.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), உண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சி, ARASU CABLE – 50, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV: