நாமக்கல் அரசு மருத்துவக் கல்லூரி மற்றும் மருத்துவமனை அமைக்கப்பட வேண்டும் என்ற பொதுமக்களின் நீண்ட கால கோரிக்கை இருந்து வருகிறது. அந்த வகையில் நாமக்கல் ஆட்சியர் அலுவலகம் அருகே அரசு மருத்துவ கல்லூரி மற்றும் மருத்துவமனை கட்டி முடிக்கப்பட்டு, கடந்த ஆண்டு முதல் மருத்துவ கல்லூரி செயல்பட துவங்கியது.
இந்த மருத்துவக் கல்லூரி மருத்துவமனையில் இன்று பொதுமக்கள் பயன்பாட்டிற்கு கொண்டு வராத நிலையில் உள்ளதாகவும், இதனால் நாமக்கல் மாவட்ட மக்கள் அவசர சிகிச்சை, உயர்தர சிகிச்சைக்காக சேலம், கரூர், கோவை என அருகில் உள்ள மாவட்டங்களுக்கு செல்லும் நிலை இருப்பதாகவும், சில நேரங்களில் வெளியூர் மருத்துவமனைக்கு செல்லும் வழியில் பல உயிரிழப்பு சம்பவங்கள் ஏற்பட்டு மக்கள் தொடர்ந்து அவதிப்பட்டு வருவதாகவும் குற்றச்சாட்டு எழுந்துள்ளது.
மேலும் வசதி இல்லாததால் மருத்துவக் கல்லூரி மருத்துவமனை திறப்பதில் தாமதம் ஏற்பட்டுள்ளதாக அதிகாரிகள் தரப்பில் தெரிவிக்கப்பட்டுள்ளது. தொடரும் காலதாமதத்தால் மருத்துவக் கல்லூரி மருத்துவமனை செயல்பட துவங்கும்போது பொதுமக்களுக்கு கிடைக்கும் மருத்துவப் பயன்கள் மற்றும் அதிக எண்ணிக்கையிலான மருத்துவர்கள் மற்றும் செவிலியர்கள் என மருத்துவமனைப் பணியாளர்கள் சிகிச்சை பெறுவதில் தாமதம் ஏற்பட்டு பொதுமக்களுக்கு தினசரி கிடைக்க வேண்டிய உயர், உடனுக்குடன் கிடைக்க வேண்டிய உயிர் காக்கும் சிகிச்சையும் கிடைப்பது தாமதமாகி வருகிறது.
உங்கள் நகரத்திலிருந்து(நாமக்கல்)
நாமக்கல்லில் மார்க்சிஸ்ட் கம்யூனிஸ்ட் கட்சி சார்பில் ஆர்ப்பாட்டம்
தமிழக அரசு, நாமக்கல் மாவட்ட மக்களுக்கு உயர்தர சிகிச்சை கிடைத்திடவும், வெளி மாவட்டங்கள், வெளி மாநிலங்களுக்கு மக்கள் சென்று சிகிச்சை பெற சிரமப்படுவதை தவிர்க்கவும், நாமக்கல் அரசு மருத்துவக் கல்லூரி மருத்துவமனையை உடனடியாக மக்கள் பயன்பாட்டிற்கு கொண்டு வர வலியுறுத்தி மார்க்சிஸ்ட் கம்யூனிஸ்ட் கட்சியின் சார்பில் நேற்று மாவட்ட ஆட்சியர் அலுவலகம் முன்பு ஆர்ப்பாட்டம் நடைபெற்றது.
இதையும் படிங்க : கம்பம் டூ தென்கொரியா.. தேனி மாவட்டத்துக்கு பெருமை சேர்க்கும் காவலர்..
இந்த ஆர்ப்பாட்டத்திற்க்கு மாவட்ட செயலாளர் கந்தசாமி தலைமை தாங்கினார். மாவட்ட செயற்குழு உறுப்பினர்கள் ரங்கசாமி, பெருமாள், அசோகன், உள்ளிட்டோர் கோரிக்கைகளை வலியுறுத்தி பேசினர். ஆர்ப்பாட்டத்தில் மாவட்ட செயற்குழு உறுப்பினர்கள் வேலுசாமி, தங்கமணி, தமிழ்மணி, ஜெயமணி, சுரேஷ், கண்ணன் மற்றும் ஒன்றிய செயலாளர்கள் சக்திவேல், செல்வராசு, சின்னசாமி, ராயப்பன், ரவி வெங்கடாசலம், தேவராஜ் உள்ளிட்ட திரளானவர்கள் கலந்துகொண்டனர்.
உங்கள் ஊர் செய்திகளை வீடியோவாக பெற கிளிக் செய்க
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), உண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சி, ARASU CABLE – 50, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV: