ஐபிஎல் கிரிக்கெட் தொடரில் குஜராத் அணிக்கு எதிரான இன்றைய போட்டியில் விராட் கோலி 101 ரன்கள் சேர்க்க, பெங்களூரு அணி முதல் இன்னிங்ஸில் 197 ரன்கள் எடுத்துள்ளது. இதையடுத்து 198 ரன்கள் எடுத்தால் வெற்றி என்ற இலக்கை நோக்கி குஜராத் அணி வீரர்கள் களத்தில் இறங்கி உள்ளனர். இந்த போட்டியில் விராட் கோலி தனியொருவனாக போராடிய சதம் அடித்துள்ளார். குஜராத் அணியை பெங்களூரு வீழ்த்தினால் ப்ளே ஆஃப் சுற்றுக்குள் நுழைந்து விடும். ஐபிஎல் தொடரின் லீக் போட்டிகளில் கடைசி போட்டியாக இந்த மேட்ச் அமைந்துள்ளது.
பெங்களூரு சின்னசாமி மைதானத்தில் நடைபெற்று வரும் இந்த போட்டியில் டாஸ் வென்ற குஜராத் அணியின் கேப்டன் ஹர்திக் பாண்டியா பவுலிங்கை தேர்வு செய்தார். இதையடுத்து பெங்களூரு அணியின் தொடக்க வீரர்களாக கேப்டன் டூப்ளசிஸ் மற்றும் விராட் கோலி களத்தில் இறங்கினர். டூப்ளசிஸ் 28 ரன்களும், மேக்ஸ்வெல் 11 ரன்னும், பிரேஸ்வெல் 26 ரன்களும் எடுத்து வெளியேறினர். விக்கெட்டுகள் ஒருபக்கம் விழுந்தாலும் தனது நேர்த்தியான ஆட்டத்தால் விராட் கோலி அணிக்கும், ரசிகர்களுக்கும் நம்பிக்கை அளித்துக் கொண்டிருந்தார். 61 பந்துகளை எதிர்கொண்ட கோலி 13 பவுண்டரி 1 சிக்சருடன் 101 ரன்கள் எடுத்தார்.
1️⃣0️⃣0️⃣* (60)
இது ஒரு @imVkohli பாராட்டு ட்வீட்!☺️#ஆர்சிபி – 183/5 (19.1 ஓவர்கள்)#RCBvGT | #ஆவாதே | #TATAIPL 2023
— குஜராத் டைட்டன்ஸ் (@gujarat_titans) மே 21, 2023
கோலிக்கு உறுதுணையாக அனுஜ் ராவத் சிறப்பான ஆட்டத்தை வெளிப்படுத்தி 15 பந்துகளில் 23 ரன்கள் சேர்த்தார். இருவரும் 6 ஆவது விக்கெட்டிற்கு 64 ரன்கள் பார்ட்னர்ஷிப் அமைத்தனர். 20 ஓவர் முடிவில் பெங்களூரு அணி 197 ரன்கள் எடுக்க 198 ரன்கள் எடுத்தால் வெற்றி என்ற இலக்கை நோக்கி குஜராத் அணி வீரர்கள் விளையாடி வருகின்றனர். மிக முக்கியமான போட்டியில், சக வீரர்கள் ஒத்துழைக்காத நிலையில் சதம் அடித்துள்ள விராட் கோலிக்கு பாராட்டுகள் குவிந்து வருகின்றன.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), உண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சி, ARASU CABLE – 50, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV: