கிருஷ்ணகிரி அருகே பட்டாசு குடோனில் ஏற்பட்ட பயங்கர வெடி விபத்தில் பலியானோர் எண்ணிக்கை 6ஆக உயர்ந்துள்ளது.
கிருஷ்ணகிரி பழையபேட்டை முருகன் கோயில் செல்லும் சாலையில் உள்ள தனியார் பட்டாசு கடையில் இன்று பயங்கர சத்தத்துடன் பட்டாசுகள் வெடித்து சிதறியதில் 6 பேர் பலியாகியுள்ளனர். மேலும், 3க்கும் மேற்பட்ட வீடுகள் இடிந்து தரைமட்டமாகிய நிலையில், 10க்கும் மேற்பட்டோர் காயமடைந்து சிகிச்சை பெற்று வருகின்றனர். மளமளவென பற்றி எரிந்து கொண்டிருக்கும் தீயை, தீயணைப்புத்துறையினர் போராடி அணைத்து வருகின்றனர்.
இந்த விபத்தில் படுகாயமடைந்தவர்கள் மருத்துவமனையில் கவலைக்கிடமான நிலையில் சிகிச்சை பெற்று வருவதால் உயிரிழப்பு மேலும் அதிகரிக்கும் என்று கூறப்படுகிறது. தகவல் அறிந்த மாவட்ட ஆட்சியர் சரயு சம்பவ இடத்திற்கு சென்று ஆய்வு மேற்கொண்டு வருகின்றார்.
இதையும் படிங்க : 5 வருஷமா குழந்தை இல்லை… அடித்து துன்புறுத்திய கணவன்.. இளம்பெண் மரணத்தில் வெளியான அதிர்ச்சி வீடியோ
இந்த பயங்கர விபத்தில், பட்டாசு கடை உரிமையாளர் ரவி, அவரது மனைவி ஜெயஸ்ரீ, மகள் ரூத்திகா, மகன் ரூத்திஸ் மற்றும் ஓட்டல் உரிமையாளர் ராஜேஸ்வரி, ஹோட்டல் அருகே வெல்டிங் கடை வைத்திருந்த இம்ரான், இப்ராகிம் ஆகிய 7 பேர் பலியாகியுள்ளனர்.
கிருஷ்ணகிரி பட்டாசு குடோன் வெடி விபத்து நிகழ்ந்த இடத்தில் 3 வீடுகள் இடிந்து தரைமட்டமானது. அருகில் இருந்த ஹோட்டலில் சாப்பிட்டு கொண்டிருந்தவர்களும் கட்டிட இடிபாடுகளில் சிக்கினர். அதிகம் மக்கள் வசிக்கும் பகுதியில் பட்டாசு குடோன் வைக்க அனுமதி அளித்தது எப்படி என்று காவல்துறையினர் விசாரணை மேற்கொண்டு வருகின்றனர்.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.