திருவாரூரில் பிரசித்தி பெற்ற தியாகராஜர் ஆலயத்தில் ஆடிசுவாதி திருவிழாவையொட்டி சுந்தரர், சேரமான் பெருமான் கைலாயம் செல்லும் நிகழ்ச்சி நடைப்பெற்றது. இதையொட்டி சுந்தரமூர்த்தி நாயனார் வெள்ளையானை வாகனத்திலும்,சேரமான் பெருமான் நாயனார் குதிரை வாகனத்தில் எழுந்தருள செய்யப்பட்டு தீபாராதனை நடைபெற்றது.
பின்னர் சுந்தரமூர்த்தி நாயனார் ஆலயத்தின் கிழக்கு கோபுரவாசல் எதிரே வந்தபின் குதிரை வாகனத்தில் வந்த சேரமான் பெருமான் சுந்தரரை 3 முறை வந்து தன்னையும் கைலாயம் அழைத்துசெல்ல வேண்டுதல் நிகழ்வு நடைப்பெற்றது.
இதனைத்தொடர்ந்து சுந்தரமூர்த்தி நாயனார் வெள்ளையானை வாகனத்திலும் சேரமான் பெருமான் குதிரைவாகனத்திலும் எதிர் சேவை புரிந்தவாறு கைலாயவாத்யங்கள் இசைக்க 4 ராஜவீதிகளிலும் வலம் வந்து ஆலயத்திற்கு வந்தடையந்தனர்.
பின்னர் கைலாயம் போன்று அலங்கரிக்கப்பட்ட வசந்தமண்டபத்தில் இறைவனும் இறைவியுடன் பரவைநாச்சியார் இருக்க சுந்தரமூர்த்தி நாயனாரும், சேரமான் பெருமானும் கைலாயம் செல்லும் நிகழ்ச்சி நடைப்பெற்றது.
சுந்தரமூர்த்தி நாயனார் கைலாயம் செல்லும் நிகழ்வு
தொடர்ந்து இறைவனோடு சுந்தரர், சேரமான் பெருமான்,பரவை நாச்சியார் ஆகியோருக்கு தீபாரதனை நடைப்பெற்றது. இதில் ஆயிரக்கணக்கானோர் கலந்து கொண்டு சாமி தரிசனம் செய்தனர். இவ்விழாவையொட்டி ஆலயத்தில் 2ம் பிரகாரம் வண்ண மின்விளக்குகளால் அலங்கரிக்கப்பட்டிருந்தன.
உங்கள் ஊர் செய்திகளை வீடியோவாக பெற கிளிக் செய்க
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.