மதுகுடிக்க பணம் கேட்டு தொந்தரவு செய்த மகன்.. கழுத்தை நெறித்துக்கொன்ற தாய்.. திருநெல்வேலியில் அதிர்ச்சி சம்பவம்

திருநெல்வேலி மாவட்டம் பாளையங்கோட்டை அடுத்த எம்கே.பி நகர் பகுதியை சேர்ந்தவர் செல்லத்துரை. இவர் பெயிண்டிங் தொழில் செய்து வருகிறார். இவருக்கு குடி பழக்கமும் உள்ளது இதனால் அடிக்கடி குடும்பத்தாரிடம் மது குடிக்க பணம் கேட்டு அவர் தொந்தரவு செய்து வந்ததாக கூறப்படுகிறது. இந்நிலையில்

செல்லதுரை நேற்று வீட்டிற்கு சென்று தகராறில் ஈடுபட்ட நிலையில் அவரது தாயும் சகோதிரியும் சேர்ந்து அவரை கடுமையாக தாக்கியுள்ளனர். இதனை பார்த்த அக்கம்பக்கத்தினர் போலீசாருக்கு தகவல் தெரிவித்த நிலையில் சம்பவ இடத்திற்கு சென்ற போலீசார் செல்லதுரை எச்சரித்துவிட்டு சென்றுள்ளனர்.

இந்த நிலையில் மீண்டும் காலையில் குடிக்க பணம் கேட்டு செல்லதுரை வீட்டில் இருந்தவர்களிடம் தகராறு செய்துள்ளார். இதனால் ஆத்திரமடைந்த குடும்பத்தினர் மீண்டும் செல்ல துரையை கடுமையாக தாக்கியதாக கூறப்படுகிறது. குடும்பத்தினர் தாக்கியதில் செல்லதுரை மயங்கி விழுந்துள்ளார்.

திருநெல்வேலி

பின்னர் நீண்ட நேரமாகியும் அவர் கண்விழிக்காத நிலையில், வலிப்பு வந்து உயிரிழந்துவிட்டதாக அவரது குடும்பத்தினர் அக்கம்பக்கத்தில் தெரிவித்துவிட்டு இறுதி சடங்கிற்கு தேவையான ஏற்பாடுகளை செய்துள்ளனர்.இதனால் சந்தேகமடைந்த பொதுமக்கள் இது குறித்து போலீசாருக்கு தகவல் தெரிவித்துள்ளனர்.

இதையும் படிங்க : டிராபிக் போலீசை தகாத வார்த்தைகளால் திட்டி, மிரட்டிய நீதிபதியின் மகன்… அடுத்து நடந்தது என்ன?

சம்பவ இடத்திற்கு சென்று செல்லதுரையின் உடலை கைபற்றிய போலீசார், அவர் கழுத்து நெறிக்கப்பட்டு உயிரிழந்ததை உறுதி செய்தனர். பின்னர் செல்லதுரையின் மரணம் குறித்து அவரது தாய் மற்றும் சகோதரியிடம் நடத்திய விசாரணையில் முன்னுக்கு

பின் முரணான தகவல் கிடைத்துள்ளது.இதனால் சந்தேகமடைந்த போலீசார் செல்லதுரையின் தாய் மற்றும் சகோதரியை காவல்நிலையம் அழைத்து சென்று விசாராணை

நடத்தியுள்ளனர். விசாரணையில் மது குடிக்க பணம் கேட்டு தொந்தரவு செய்ததால் கழுத்தை நெறித்து கொலை செய்த்ததாக முதற்கட்ட தகவல் வெளியாகியுள்ளது.

செய்தியாளர் : ஐயப்பன் ( திருநெல்வேலி)