திருநெல்வேலி சந்திப்பில் உள்ள பூ மார்க்கெட்டில் கோயில் திருவிழா, திருமண நாள் மற்றும் ஓணம் பண்டிகையை முன்னிட்டு பூக்களின் வரத்தும், விற்பனையும் அமோகமாக இருந்ததாக வியாபாரி சிவா தெரிவித்தார்.
அதன்படி பூ மார்க்கெட்டில், மல்லிகை பூ கிலோ ரூ.600க்கு விற்பனையானது. பிச்சி பூ கிலோ ரூ700க்கு விற்பனையானது. கனகாமரம்பூ கிலோ ரூ.600க்குவிற்பனையானது. சம்மங்கிபூ கிலோ ரூ.200க்கு விற்பனையானது. மீராரோஸ் கிலோ ரூ.180க்கு விற்பனையானது. பன்னீர்ரோஸ் கிலோ ரூ.150க்கு விற்பனையானது. கேந்திபூ கிலோ ரூ.50க்கு விற்பனையானது.
நந்திவெடைபூ கிலோ ரூ.100க்கு விற்பனையானது. கோழி பூ கிலோ ரூ.60க்கு விற்பனையானது. வாடாமல்லி பூ கிலோ ரூ.80க்கு விற்பனையானது.
நெல்லை பூ மார்க்கெட்
பூக்கள் விலை குறித்து வியாபாரி சிவா கூறுகையில், “கேரளாவில் கொண்டாடப்படும் முக்கிய பண்டிகைகளில் ஒன்று ஓணம். ஆவணி மாதம் திருவோணம் நட்சத்திரம் நாளில் இந்த பண்டிகை கொண்டாடப்பட்டு வருகிறது. இதற்காக பூக்கோலம் போடுவதற்கு பூக்களை வாங்குவதற்காக நெல்லை சந்திப்பில் உள்ள பூ மார்க்கெட்டில் பொதுமக்கள் குவிந்தனர்.
இந்த ஆண்டு பூக்களில் வரத்தும் அதிகமாக இருந்தது அதேபோன்று விற்பனையும் அமோகமாக இருந்தது. பூக்களின் விலை அதிகரிக்கவில்லை. முகூர்த்த நாளும் ஓணம் பண்டிகையையும் ஒரே நாளில் வராது தான் இதற்கு காரணம். ஒருவேளை இரண்டும் ஒரே நாளில் வந்து இருந்தால் பூக்களின் வரத்து அதிகமாக இருந்தாலும் கூட விலை உயர்ந்திருக்க வாய்ப்பு உள்ளது” என தெரிவித்தார்.
உங்கள் ஊர் செய்திகளை வீடியோவாக பெற கிளிக் செய்க
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.