சுற்றுலா வேன் மீது லாரி மோதியதில் 7 பெண்கள் பலி.. திருப்பத்தூரில் அதிர்ச்சி சம்பவம்

வேலூர் மாவட்டம் பேரணாம்பட்டு அடுத்த  ஓணாங்குட்டை கிராமத்தை சேர்ந்த 40-க்கும் மேற்பட்டோர் கடந்த 8 ஆம் தேதி  2 வேன்களில் கர்நாடக மாநிலம் தர்மஸ்சாலாவுக்கு சுற்றுலா சென்றுள்ளனர்.  இதனை தொடர்ந்து இன்று காலை அனைவரும் சுற்றுலாவை முடித்துவிட்டு சொந்த ஊர் திரும்பி கொண்டிருந்தனார். அப்போது திருப்பத்தூர் மாவட்டம் நாட்றம்பள்ளி அடுத்த சண்டியூர்  பகுதியில் உள்ள பெங்களூர் – சென்னை தேசிய நெடுஞ்சாலையில் சுற்றுலா  சென்ற வேன் பஞ்சராகியுள்ளது..

இதனை தொடர்ந்து வேன் ஓட்டுநர்  வேனை சாலையிலேயே நிறுத்தியிருந்த  நிலையில் வேனில் இருந்தவர்கள் சாலையிலேயே  நின்று கொண்டிருந்துள்ளனர். அப்பொழுது அதே சாலையில் வேகமாக வந்த லாரி பஞ்சராகி நின்று கொண்டிருந்த வேன் மீது  அதிவேகமாக மோதியுள்ளது..

இதனை தொடர்ந்து  வேன்  சாலையில்  நின்று கொண்டிருந்தவர்கள் மீது  மோதி எதிர் சாலையில் கவிழ்ந்து விபத்துக்குள்ளானது இதில் 7 பெண்கள் சம்பவ இடத்திலேயே உயிரிழந்துள்ளனர். மேலும் இவ்விபத்தில்  லாரி ஓட்டுநர் மற்றும் கிளீனர் உட்பட 14 பேர் படுகாயம் அடைந்தனர். அவர்களை மீட்டு அக்கம் பக்கத்தினர் உடனடியாக வாணியம்பாடி, நாட்றம்பள்ளி மற்றும் திருப்பத்தூர் அரசு மருத்துவமனைக்கு அனுப்பி வைத்தனர். அவர்களுக்கு அங்கு சிகிச்சை அளிக்கப்பட்டு பின்னர் மூன்று பேர் மேல் சிகிச்சைக்காக கிருஷ்ணகிரி அரசு மருத்துவமனைக்கு அனுப்பி வைத்துள்ளனர்.

இதையும் படிங்க : அமைச்சர் செந்தில் பாலாஜியின் ஜாமின் மனு இன்று விசாரணை…

இதனை தொடர்ந்து இவ்விபத்து குறித்து தகவலறிந்து சம்பவ இடத்திற்கு விரைந்த காவல்துறையினர் விபத்தில் உயிரிழந்தவர்களின் உடலை மீட்டு பிரேத பரிசோதனைக்காக திருப்பத்தூர் மற்றும் வாணியம்பாடி அரசு மருத்துவமனைக்கு அனுப்பி வைத்தனர். பின்னர் இவ்விபத்து குறித்து  நாட்றம்பள்ளி காவல்துறையினர் வழக்குபதிவு செய்து விசாரணை செய்தனர்.

முதற்கட்ட  விசாரணையில் உயிரிழந்த பெண்கள் மீரா (வயது 50), தெய்வானை (வயது 32), சேட்டுயம்மாள், (வயது 50) தேவகி,(வயது 50) சாவித்திரி, (வயது42) கலாவதி, (வயது50) கீதாஞ்சலி (வயது32) என்பது என முதற்கட்ட விசாரணையில் தெரியவந்துள்ளது..

செய்தியாளர்: M.வெங்கடேசன் ( திருப்பத்தூர்)