திருச்சி மத்திய பேருந்து நிலையத்தில் இப்படி ஒரு அவலமா?

திருச்சியின் பிரதான பேருந்து நிலையமாக திகழ்வது மத்திய பேருந்து நிலையம். இந்தப் பேருந்து நிறுத்தத்தில் இருந்து சென்னை, மதுரை, கோயம்புத்தூர் போன்ற வெளிமாவட்டங்கள் வெளியூர்களுக்கு பெரும் அளவில் பேருந்துகள் இயக்கப்படுகின்றன.

அத்துடன் இங்கிருந்து தான் திருச்சியின் புறநகர் பகுதிகளுக்கு செல்வதற்காக நகரப் பேருந்துகளும் இயக்கப்படுவதால் ஏராளமான மக்கள் தினம்தோறும் பேருந்து நிலையத்தை பயன்படுத்துகின்றனர். இந்நிலையில், இந்த மத்திய பேருந்து நிலையத்தில் புறநகர் பயணிகள் பயன்படுத்தும் நிழற்குடை போதிய அளவு உரிய முறையில் இல்லாததால் பொதுமக்கள் நீண்ட நேரம் வெயிலில் காத்திருக்கும் சூழல் நிலவுகிறது.

குறிப்பாக, விராலிமலை, நாகமங்கலம் உள்ளிட்ட பல ஊர்களுக்கு செல்லும் பேருந்துகள் எந்த நேரத்திற்கு வரும் என்று பெரும்பாலான மக்களுக்கு தெரிவதில்லை. எனவே அவர்கள் வெயிலில் நீண்ட நேரம் காத்திருக்க வேண்டியுள்ளதாக தெரிவித்துள்ளனர்‌.

திருச்சி மத்திய பேருந்து நிலையம்

இதனால் பள்ளி மாணவர்கள், கர்ப்பிணி தாய்மார்கள், முதியவர்கள, பெண்கள், குழந்தைகள் என பலரும் சிரமப்பட்டு வருகின்றனர். மேலும் பேருந்துகளை முறைப்படுத்தி செல்வதற்கு உரிய நடவடிக்கை எடுக்க வேண்டும் எனவும் பேருந்து நிலையத்தின் பயணிகள் நிறுத்தத்தினை விரிவுப்படுத்த வேண்டும் எனவும் பொதுமக்கள் கோரிக்கை விடுத்துள்ளனர்.