பட்டாசு நகரமான சிவகாசியில் அச்சு தொழில் பிரபலம் என்பதாலே இங்கு தயாரிக்கப்படும் காலண்டர்களுக்கு எப்பவும் தனி மவுசு உண்டு. ஒவ்வொரு ஆடி 18 க்கும் பின்னர் புத்தாண்டுக்கு புதிய காலண்டர் தயாரிக்கும் பணிகள் சிவகாசியில் தொடங்கும்.தற்போது ஆடி 18 முடிவடைந்துள்ள நிலையில், சிவகாசியில் காலண்டர் கள் தயாரிக்கும் பணிகள் நடைபெற்று வருகின்றன.
ஒவ்வொரு முறையும் வாடிக்கையாளர்களை கவர காலண்டர் தயாரிப்பாளர்கள் புதிய புதிய காலண்டர்களை அறிமுகம் செய்வது வழக்கம். அந்த வகையில் 2024 இந்தாண்டு அறிமுகம் செய்யப்பட்டுள்ள காலண்டரில் கற்கள் பதிக்கப்பட்ட பவளக்கல் காலண்டருக்கு மக்கள் மத்தியில் நல்ல வரவேற்பு உள்ளது.
தத்ரூபமாக அச்சிடப்பட்ட சாமி படங்களின் மீது கற்களை பதித்து தயாரிக்கப்பட்ட இந்த காலண்டரை பவளக்கல் காலண்டர் என்கின்றனர். கற்கள் பதிக்கப்பட்ட காலண்டர் என்பதால் வெளிச்சம் பட்டால் ஒளிரும் தன்மையை கொண்டுள்ளது. இதனால் பவளக்கல் காலண்டர் பார்வையாளர்களை அதிகம் கவர்கிறது.
இது பற்றி பேசிய கற்பகா காலண்டர் உரிமையாளர் கவின் குமார், சாதரண காலண்டரில் கற்களை பதித்து தயாரிக்கப்பட்ட இந்த பவளக்கல் காலண்டரை அனைவரும் வாங்க விருப்பம் தெரிவிப்பதாகவும், சராசரியாக ஒரு காலண்டரின் விலை 800 ரூபாய் என்று கூறினார். மேலும் ஒரு காலண்டரை சராசரியாக மூன்று ஆண்டுகளுக்கு பயன்படுத்தி கொள்ளலாம் என்றும் இந்த கற்கள் பதிக்கும் வேலையை வீட்டில் இருக்கும் பெண்களுக்கு தரவுள்ளதாகவும், இதன் மூலம் தொழிற்சாலைக்கு வரமுடியாத வீட்டு பெண்கள் வருமானம் பெறலாம் எனவும் கூறினார்.
உங்கள் ஊர் செய்திகளை வீடியோவாக பெற கிளிக் செய்க
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.