அமைச்சர் பொன்முடியின் மனைவிக்குச் சொந்தமான இரு சக்கர வாகன விற்பனை நிலையத்தில் நடந்த துணிகர கொள்ளையின் சிசிடிவி காட்சி வெளியாகியுள்ளது.
கடலூர் மாவட்டம் திருப்பாதிரிப்புலியூரில், விஷால் மோட்டார்ஸ் என்ற இரண்டு சக்கர வாகன விற்பனை நிலையம் செயல்பட்டு வருகிறது. உயர் கல்வித்துறை அமைச்சர் பொன்முடியின் மனைவிக்கு சொந்தமான இந்த விற்பனையகத்தில் வாகனங்கள் விற்பனை செய்யப்படும் தொகை இரவு அங்கேயே லாக்கரில் வைக்கப்பட்டு, அதனை ஊழியர்கள் மறுநாள் எடுத்துச் சென்று வங்கியில் செலுத்துவது வழக்கம்.
ஊழியர்கள் வழக்கம்போல், விற்பனை நிலையத்தை திறந்தபோது, பின்னால் இருந்த ஜன்னல் கம்பி அறுக்கப்பட்டதைக் கண்டு அதிர்ச்சி அடைந்தனர். இதுதொடர்பாக காவல்நிலையத்தில் புகார் அளிக்கப்பட்டது.
ஜன்னலை உடைத்து உள்ளே சென்ற கொள்ளையர்கள், லாக்கர் மற்றும் பீரோவில் இருந்த 3 லட்சம் ரூபாய் ரொக்கம், வாடிக்கையாளர்களுக்கு வழங்க இருந்த தங்க நாணயங்கள் 6 கிராம் ஆகியவற்றை திருடிச் சென்றனர். சிசிடிவி காட்சிப் பதிவுகளைக் கொண்டு கொள்ளையர்களை காவல்துறையினர் தேடி வருகின்றனர்.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…